ఆ రోడ్లు ఇక సూపరేహే… పాలు పోసినా ఎత్తుకోవచ్చు!

• పల్లె ప్రగతికి కొత్త చరిత్ర రాయనున్న కూటమి ప్రభుత్వం

ఆంధ్రప్రదేశ్ గ్రామీణ ప్రాంతాలకు నిజంగా ‘‘మహర్దశ’’ పట్టబోతోంది. దశాబ్దం పాటు గుంతలతో, దెబ్బతిన్న రహదారులతో ఇబ్బంది పడిన ప్రజలకు ఇప్పుడు కొత్త ఆశా కిరణం కనిపిస్తోంది. పల్లెలో రోడ్లు అంటే గతంలో గుంతలు, పొడి, నీటి మడుగులు, పాడైన సిమెంట్ తలపించేది. ఇక ఆ దశ ముగిసిపోయింది. పాలు పోస్తే ఎత్తుకునేంత మెరిసే రహదారుల యుగం ఆరంభమవుతోంది.

కేంద్రం నుండి భారీ వరం – రూ.2వేల కోట్లు :

దేశవ్యాప్తంగా మౌలిక సదుపాయాల అభివృద్ధి కోసం కేంద్ర ప్రభుత్వం ప్రకటించిన Special Assistance to States for Capital Investment (SASCI) పథకం కింద, ఆంధ్రప్రదేశ్‌కి ఏకంగా రూ. 2,000 కోట్లు విడుదల చేసింది. ఈ నిధులను పూర్తిగా గ్రామీణ రహదారుల అభివృద్ధికి వినియోగించాలని నిర్ణయించారు. అంటే, రాబోయే నెలల్లో పల్లెల్లో దుమ్మెత్తిపోసే రహదారులు, సొగసైన రోడ్ల ప్రాజెక్టులు సాక్షాత్కరించబోతున్నాయి. వీటితో, సుదీర్ఘకాలంగా నిర్లక్ష్యానికి గురైన పంచాయతీ రాజ్ రహదారులు మళ్లీ జీవం పొందనున్నాయి. ఈ రహదారులు సాధారణమైనవి కాకుండా, అధిక నాణ్యతా ప్రమాణాలతో, సంవత్సరాల తరబడి చెక్కు చెదరని విధంగా రూపకల్పన చేయనున్నారు.

పవన్ కల్యాణ్ స్పష్టమైన దిశా నిర్దేశం :

గ్రామీణ రహదారుల అభివృద్ధి విషయంలో డిప్యూటీ సీఎం, పంచాయతీ రాజ్ మంత్రి పవన్ కల్యాణ్ స్వయంగా పగ్గాలు చేపట్టారు. సాస్కీ నిధులను సక్రమంగా ఉపయోగించడంపై ఆయన అధికారులకు స్పష్టమైన సూచనలు జారీ చేశారు. ‘‘రహదారుల నాణ్యతపై రాజీపడే ప్రశ్నే లేదు. పల్లె ప్రజలు ప్రయాణించేటప్పుడు ఆనందపడే రహదారులు ఉండాలి’’ అని పవన్ అన్నారు. ఆయన ఆదేశాల ప్రకారం, ముందుగా ఎక్కువగా దెబ్బతిన్న రహదారులకు ప్రాధాన్యత ఇవ్వాలని నిర్ణయించారు. ప్రతీ పంచాయతీ పరిధిలో ఉన్న దారిదాపు మార్గాలు, బీభత్సమైన రహదారులు, చెరువుల దారులు.. అన్నింటినీ పునర్నిర్మాణం చేయబోతున్నారు.

నాణ్యతపై రాజీపడరని స్పష్టత :

రహదారుల నిర్మాణంలో నాణ్యతా ప్రమాణాలపై పవన్ ప్రత్యేకంగా దృష్టి సారించారు. ‘‘ఏ కాంట్రాక్టర్ అయినా పని మొదలుపెట్టే ముందు నాణ్యత ప్రమాణాల గురించి అవగాహన కలిగి ఉండాలి. పనులు మధ్యలో ఉంటే, ప్రతి దశలో క్వాలిటీ చెక్ తప్పనిసరి’’ అని ఆయన ఆదేశించారు. పవన్ మాటల్లోనే చెప్పాలంటే ‘‘ప్రజలు రోడ్లను చూసి సంతోషపడాలి. రహదారి మీద నడిచేటప్పుడు గుంతలు కనిపిస్తే, అది మన వైఫల్యం అవుతుంది’’. అంతేకాదు, ఆయన స్వయంగా కొన్ని ప్రాంతాల్లో రహదారి పనులను తనిఖీ చేస్తానని ప్రకటించారు. “ప్రామాణికత లేని పనులు చేస్తే, సంబంధిత అధికారులే బాధ్యత వహించాలి” అంటూ పవన్ స్పష్టమైన హెచ్చరిక ఇచ్చారు.

మౌలిక సదుపాయాలే రాష్ట్ర ఆస్తి :

‘‘మౌలిక సదుపాయాలే ప్రజల ఆస్తి. వాటిలో రహదారులే మొదటి అస్త్రం’’ అని డిప్యూటీ సీఎం పవన్ కల్యాణ్ పేర్కొన్నారు. గత వైసీపీ ప్రభుత్వ కాలంలో రహదారుల పరిస్థితి దయనీయమైందని ఆయన తీవ్రంగా విమర్శించారు. కేంద్రం నుంచి వచ్చిన నిధులను వినియోగించడంలో వైసీపీ ప్రభుత్వం తీవ్ర నిర్లక్ష్యం ప్రదర్శించిందని, అనేక ప్రాజెక్టులు నిలిచిపోయాయని పవన్ పేర్కొన్నారు. ఇప్పుడు అయితే పరిస్థితి పూర్తిగా భిన్నంగా ఉందని ఆయన చెప్పారు. ‘‘కేంద్రం – రాష్ట్రం కలిసి పనిచేస్తే ఏదీ సాధ్యం కాదు అనే మాట లేదు. అభివృద్ధికి సమన్వయం, సక్రమ ప్రణాళిక ఉంటే ఆంధ్రప్రదేశ్‌ను కొత్త స్థాయికి తీసుకెళ్తాం’’ అని విశ్వాసం వ్యక్తం చేశారు.

వాగ్దానం నిలబెట్టుకున్న కూటమి :

ఎన్నికల ముందు కూటమి పెద్దలు ఇచ్చిన హామీలలో ‘‘గుంతలు లేని రహదారులు’’ కూడా ఒకటి. ఇప్పుడు ఆ హామీ నిజమవుతోంది. పల్లె ప్రజలు ఇక గుంతల్లో వాహనాలు ఇరుక్కుపోయే రోజులు ముగిశాయని ఆనందంతో చెబుతున్నారు. కొత్తగా వేయబోయే రోడ్లు అద్దంలా మెరిసేలా ఉండబోతున్నాయి. ‘‘పాలు పోసినా ఎత్తుకోవచ్చు’’ అనే మాటలు ఇప్పుడు అతిశయోక్తి కాదు.. వాస్తవం అవబోతున్నాయి. ప్రతి గ్రామం, ప్రతి హ్యాండ్రోడ్, ప్రతి చెరువు దారి ఇక సూపర్‌గా కనిపించబోతుంది.

గ్రామీణ ప్రగతికి కొత్త దిశ :

రహదారులు కేవలం రవాణా మార్గాలు కాదు. అవే అభివృద్ధి దిశకు నడిపించే నాడులు. మంచి రహదారులు ఉంటే రైతు మార్కెటుకు చేరతాడు, విద్యార్థి పాఠశాలకు వెళ్తాడు, వ్యాపారి కొత్త అవకాశాలు చూస్తాడు. ఈ మార్పు వస్తే గ్రామాలు జీవం పొందుతాయి.

పవన్ కల్యాణ్ మాటల్లో చెప్పలంటే ‘‘గ్రామీణ ప్రగతి అంటే కేవలం సంక్షేమ పథకాలు కాదు, మౌలిక సదుపాయాల విప్లవం కావాలి. రహదారులు బాగుంటేనే అభివృద్ధి పాదయాత్ర మొదలవుతుంది’’. ఇప్పటి కూటమి ప్రభుత్వం అదే దిశగా ముందుకు సాగుతోంది. కేంద్రం నుంచి వచ్చిన నిధులను వినియోగించి పల్లెలను ప్రగతిలో భాగం చేయాలని సంకల్పించింది.

మొత్తం మీద – పల్లెలకు పండుగే! :

నేడు పల్లెల్లో వినిపిస్తున్న మాట ఏకైకంగా ఇదే ‘‘మా ఊరి రోడ్లు కూడా ఇక సూపరే!’’. కూటమి ప్రభుత్వం మాట ఇచ్చింది, మాట నిలబెట్టుకుంది. ఇప్పుడు ఆ మాట నిజమవుతోంది. గుంతల రహిత రహదారులు, మెరిసే మార్గాలు, కలల ప్రగతికి మార్గదర్శకంగా నిలిచే ఈ ప్రాజెక్టులు పల్లె ప్రజల మనసుల్లో చిరస్థాయిగా నిలవనున్నాయి.

ఎంత సింపుల్‌గా చెప్పినా ఇదే సత్యం.. చంద్రబాబు దిశానిర్దేశంలో, పవన్ కల్యాణ్ పర్యవేక్షణలో గ్రామీణ రోడ్లు ఇప్పుడు పాలు పోసినా ఎత్తుకునేలా మెరిసిపోబోతున్నాయి!

జమ్ము సాయి కల్యాణ్,

పొలిటికల్ అనలిస్టు,

మేనేజింగ్ డైరెక్టర్,

జనస్వరం మీడియా.