పెదకూరపాడు, (జనస్వరం) : రానున్న ఎన్నికల్లో జనసేన కార్యకర్తలు సైనికుల పనిచేయవలసిన అవసరం ఆసన్నమైనదని జనసేన పార్టీ పీఏసీ చైర్మన్ నాదెండ్ల మనోహర్ అన్నారు. పెదకూరపాడు మండలంలోని కాశిపాడులో సోమవారం నాదెండ్ల మనోహర్ పర్యటించారు. ఈ సందర్భంగా ఏర్పాటు చేసిన జనసేన జెండాను ఆయన ఎగరవేశారు. ముందుగా జనసేనపార్టీ మండల అధ్యక్షులు మల్లెల సలపతిరావు ఆధ్వర్యంలో జనసేన నాయకుడు నాదెండ్ల మనోహర్ కు ఘనస్వాగతం పలికారు. ఈ కార్యక్రమంలో జనసేన జిల్లా అధ్యక్షుడు గాదె వెంకటేశ్వరరావు, రాష్ట్ర జనసేన పిఎసి కమిటీ సభ్యులు బోనబోయిన శ్రీనివాస యాదవ్, జనసేన నాయకులు సేవరీలు, రమేష్, సురేష్ తదతరులు ఉన్నారు.
