● బాధిత కుటుంబానికి పరామర్శ
● రూ.10 వేలు ఆర్థిక సాయం అందజేసిన జనసేన పార్టీ కృష్ణా జిల్లా ఉపాధ్యక్షులు బొలియశెట్టి శ్రీకాంత్
కొండపల్లి, (జనస్వరం) : ఈదురు గాలి ప్రభావానికి నిరాశ్రయులైన పేద కుటుంబానికి జనసేన పార్టీ నేతలు అండగా నిలిచారు. కొండపల్లి పట్టణ పరిధిలోని ఇందిరమ్మ కాలనీలో ఇటీవల వీచిన ఈదురు గాలికి ఇంటిపైన రేకులు పూర్తిగా విరిగిపోయాయి. దీంతో ఆ కుటుంబం నిరాశ్రయులైంది. విషయం తెలుసుకున్న జనసేన పార్టీ నాయకులు శుక్రవారం ఇందిరమ్మ కాలనీ వెళ్లి ఆ కుటుంబాన్ని పరామర్శించారు. జనసేన పార్టీ జిల్లా ఉపాధ్యక్షుడు బొలియశెట్టి శ్రీకాంత్ తన వంతు రూ.10 వేలు ఆర్థిక సాయం అందజేశారు. ఈ సందర్భంగా నాయకులు మాట్లాడుతూ ప్రజలు కష్టాల్లో ఉంటే ఆదుకునేది జనసేన పార్టీ మాత్రమేనన్నారు. బాధిత కుటుంబానికి జనసేన పార్టీ అండగా ఉంటుందని తెలిపారు. ఈ కార్యక్రమంలో జనసేన పార్టీ నాయకులు వై.నాగేశ్వరరావు, పులిపాక ప్రకాష్, బత్తిన శ్రీనివాసరావు, చెన్నం శెట్టి కోటేశ్వరరావు, రామంజి, సురేష్, జగదీష్, రమేష్, వీర మహిళలు బొలియశెట్టి విజయ దుర్గ, హేమలత, రాణి, జనసేన పార్టీ కార్యకర్తలు పాల్గొన్నారు.
