కళ్యాణదుర్గం, జనవరి 18, (జనస్వరం) : అనంతపురం జిల్లా కళ్యాణదుర్గం నియోజకవర్గంలో పవన్ కళ్యాణ్ సేవా అసోసియేషన్ పోస్టర్ను జనసేన పార్టీ నియోజకవర్గ ఇంచార్జ్ బాల్యం రాజేష్ మరియు సేవా అసోసియేషన్ ప్రెసిడెంట్ ఆనంద్ ఆధ్వర్యంలో విడుదల చేశారు. ఈ సందర్భంగా సేవా అసోసియేషన్ ద్వారా పేదలు, అవసరమైనవారికి నిరంతరం సేవలు అందించే విధంగా పనిచేస్తామని నాయకులు తెలిపారు. అనంతరం జనసేన నియోజకవర్గ ఇంచార్జ్ బాల్యం రాజేష్ను ఘనంగా సన్మానించారు. ఈ కార్యక్రమంలో జనసేన ముఖ్య నాయకులు వి.హెచ్.రాయుడు, సేవా అసోసియేషన్ ప్రెసిడెంట్ ఆనంద్, మండల జనసేన నాయకులు మణికంఠ, దండు తిప్పేస్వామి, సాగర్ తదితరులు పాల్గొన్నారు.
