సూళ్లూరుపేట, (జనస్వరం) : గత వారం రోజులు పైగా తడ మండలం చేనిగుంట గ్రామానికి చెందిన ప్రజలు నీళ్ళు లేక అనేక ఇబ్బందులు పడుతున్నట్టు జనసైనికులు ద్వారా సమాచారం అందింది. వైసిపి పాలనలో ఉన్న ప్రజా ప్రతినిధులు ఎవరూ పట్టించుకోకపోవడంతో అసహనానికి గురై మహిళలు హైవే మీద నీటి బిందులను అడ్డంగా పెట్టి నిరసన తెలియజేయడం జరిగింది. 2019 ఎన్నికల ముందు ఆ గ్రామానికి వెళ్ళిన ప్రస్తుత 10 ఏళ్ల వైసీపీ ఎమ్మెల్యే కిలివేటి సంజీవయ్య వాటర్ అదనపు ట్యాంక్స్ నిర్మిస్తామని, నీటి సమస్య లేకుండా చేస్తామని హామీ ఇచ్చారని స్థానికులు తెలియజేశారు. కానీ ఇంతవరకు ఆ ఊసే లేదు. దయచేసి నిర్లక్ష్య వైఖరికి తావు లేకుండా వెంటనే చేనిగుంట గ్రామ ప్రజలకు నీటి కొరత తీర్చాల్సిందిగా అలానే వాటర్ ట్యాంక్ నిర్మించాల్సిందిగా, మళ్లీ సమస్య పునరావృతం కాకుండా చర్యలు తీసుకోవాల్సిందిగా జనసేన పార్టీ తరఫున అధికారులకు తెలియజేస్తున్నామని తెలిపారు. ఖచ్చితంగా గ్రామ ప్రజలకు జనసేన పార్టీ అండగా నిలుస్తుందని తెలిపారు.
