హైదరాబాద్, జూలై 24 (జనస్వరం): గోద్రేజ్ కన్స్యూమర్ ప్రొడక్ట్స్ లిమిటెడ్ దేశవ్యాప్తంగా తన కొత్త అండర్ ఆర్మ్ యాంటీ-పెర్స్పిరెంట్ రోల్-ఆన్ బ్రాండ్ ‘గోద్రేజ్ బ్లాక్’ ను ప్రారంభించింది. రోజంతా చెమట, దుర్వాసన నుంచి రక్షణ కల్పించే ఈ ఉత్పత్తి 48 గంటల వరకు తాజాదనాన్ని అందిస్తుందని సంస్థ తెలిపింది. ఆధునిక జీవనశైలికి అనుగుణంగా రోజంతా చురుకుదనాన్ని కొనసాగించేలా ఈ ఉత్పత్తిని ప్రత్యేకంగా రూపొందించినట్లు పేర్కొంది. చర్మంపై సున్నితంగా పనిచేసే ప్రత్యేక ఫార్ములాతో తయారైన ఈ రోల్-ఆన్ రోజువారీ వినియోగానికి అనువుగా ఉంటుందని వెల్లడించింది. యువతతో పాటు ఉద్యోగులు, విద్యార్థులు, మహిళల అవసరాలను దృష్టిలో ఉంచుకుని ఈ ఉత్పత్తిని మార్కెట్లోకి తీసుకొచ్చినట్లు సంస్థ తెలిపింది. ఈ సందర్భంగా మహిళా సాధికారతకు మద్దతుగా భమ్లా ఫౌండేషన్తో కలిసి మహారాష్ట్రలో 500 పింక్ ఈ-రిక్షాల పంపిణీ కార్యక్రమానికి గోద్రేజ్ బ్లాక్ సహకారం అందిస్తోంది. అలాగే మహిళా డ్రైవర్లకు ‘బ్లాక్ ఫ్రెష్నెస్ కిట్స్’ ను కూడా అందజేయనుంది. ఈ సందర్భంగా పర్సనల్ కేర్ మార్కెటింగ్ హెడ్ సమీర్ సూర్యవంశీ మాట్లాడుతూ, వేగవంతమైన జీవనశైలికి అనుగుణంగా వినియోగదారులకు దీర్ఘకాలిక చెమట, దుర్వాసన నుంచి రక్షణ అందించేందుకు గోద్రేజ్ బ్లాక్ను అభివృద్ధి చేసినట్లు తెలిపారు. మహిళల ఆర్థిక స్వావలంబనకు తోడ్పడే కార్యక్రమాల్లో భాగస్వామ్యం కావడం ఆనందంగా ఉందన్నారు. గోద్రేజ్ బ్లాక్ 40 గ్రాముల ప్యాక్ రూ.99 ధరకు అందుబాటులో ఉంది. బ్లింకిట్, జెప్టో, బిగ్బాస్కెట్, అమెజాన్ వంటి ఈ-కామర్స్, క్విక్-కామర్స్ వేదికల ద్వారా ఈ ఉత్పత్తిని కొనుగోలు చేయవచ్చని సంస్థ తెలిపింది.
