దెందులూరు, మార్చి 30 (జనస్వరం) : జాతీయ రహదారి సత్యనారాయణపురం వద్ద వాహనదారులు, పాదచారుల దాహార్తిని తీర్చేందుకు త్రాగునీరు, మజ్జిగ కేంద్రాన్ని సత్యనారాయణపురం గ్రామానికి చెందిన హోప్ ట్రీ చారిటబుల్ ట్రస్ట్ చైర్మన్ సురేష్ ఏర్పాటు చేసి ప్రారంభించారు. గత 5 సంవత్సరాలుగా ప్రతి సంవత్సరం మాదిరిగానే గ్రామస్తులు, వాహనదారులకు త్రాగునీరు, మజ్జిగను ఈ కేంద్రం ద్వారా అందిస్తున్నామని సురేష్ తెలిపారు. వేసవి కాలంలో ప్రయాణికులకు ఇది ఎంతో ఉపయుక్తంగా ఉంటుందని ఆయన పేర్కొన్నారు. ఇలాంటి సేవా కార్యక్రమాలు సమాజానికి అవసరమని స్థానికులు అభిప్రాయపడ్డారు. ఈ కార్యక్రమానికి గ్రామస్థులు, యువకులు సహకరించి విజయవంతం చేశారు. ప్రతిరోజూ ఉదయం నుంచి సాయంత్రం వరకు మజ్జిగ, నీటిని అందుబాటులో ఉంచుతామని నిర్వాహకులు తెలిపారు. ఇలాంటి సేవా కార్యక్రమాలను భవిష్యత్తులో మరింత విస్తరించాలని ట్రస్ట్ సభ్యులు నిర్ణయించారు.
