కల్వకుర్తి, అక్టోబర్ 19, జనస్వరం : తెలంగాణ రాష్ట్ర వ్యాప్తంగా జరుగుతున్న బీసీ బంద్కు మద్దతుగా కల్వకుర్తి TGRTC డిపో వద్ద బీసీ సంఘాలు, నాయకులు, కార్యకర్తలు ఘనంగా సమావేశం నిర్వహించారు. బీసీ వర్గాల 42% రిజర్వేషన్ల సాధనే ధ్యేయంగా ఈ బంద్ చేపట్టినట్లు నాయకులు తెలిపారు. సమావేశంలో పాల్గొన్న జనసేన పార్టీ అచంపేట నియోజకవర్గ బీసీ యువ నాయకుడు అల్లే జగదీశ్వర్ మాట్లాడుతూ, “75 సంవత్సరాల స్వాతంత్ర్యం వచ్చినా మన హక్కుల కోసం ఇంకా పోరాటం కొనసాగుతోంది. నూటికి 60% జనాభా ఉన్న మన బీసీ వర్గాలు రిజర్వేషన్ కోసం పోరాడుతున్న పరిస్థితి సిగ్గుచేటు” అని అన్నారు. ఆయన మాట్లాడుతూ, “ఆ నాడు మన పెద్దలకు రిజర్వేషన్పై అవగాహన లేకపోయినా, ఈ రోజు ప్రతి ఇంట్లో ఒక నిరుద్యోగి ఉన్నాడు. ఇప్పుడు మన హక్కుల కోసం మనమే పోరాడాల్సిన సమయం వచ్చింది. ఐక్యతతో ముందుకు సాగి, మన వాటా సాధించే వరకు ఈ పోరాటం ఆగకూడదు” అని పిలుపునిచ్చారు. ఈ సందర్భంగా నాయకులు “జై బీసీ – జై జై బీసీ” నినాదాలతో మార్మోగించారు. బీసీ వర్గాలకు సరైన హక్కులు, రాజకీయ ప్రాధాన్యం రావాలన్న డిమాండ్తో బంద్ కార్యక్రమం శాంతియుతంగా కొనసాగింది. సమావేశంలో పలువురు బీసీ సంఘాల ప్రతినిధులు, యువత, మహిళా కార్యకర్తలు పాల్గొన్నారు.
