– డిప్యూటీ మేయర్ కోగటం విజయ భాస్కర్ రెడ్డి
అనంతపురము, ఫిబ్రవరి 2 : వృత్తి నిబద్ధత, సామాజిక స్పృహ కలిగిన వ్యక్తి ఏ పి ఎస్ పి డి సి ఎల్ ఈ ఈ కోమలపాటి సుధాకర్ బాబు అని డిప్యూటీ మేయర్ కోగటం భాస్కర్ రెడ్డి పేర్కొన్నారు. శుక్రవారం పిటిసి స్టేడియం వాకర్స్ అసోసియేషన్ పిటీసి స్టేడియంలో వాకర్స్ సభ్యులు, ఆత్మీయ మిత్రులు ఉద్యోగ విరమణ సందర్భంగా ఘనంగా సన్మాన కార్యక్రమాన్ని నిర్వహించారు. ఈ కార్యక్రమానికి ఎస్కేయూ మాజీ రిజిస్టర్ సుధాకర్ బాబు అధ్యక్షత వహించగా ముఖ్య అతిధిగా డిప్యూటీ మేయర్ కోగటం విజయభాస్కర్ రెడ్డి పాల్గొన్నారు. ఈ సందర్భంగా చంద్రశేఖరరెడ్డి ముఖ్య వక్తగా ప్రసంగించారు. సభ్యులు మాజీ ఏపీపీ నాగలింగం, ఆర్ ఐ ఓ రమణ, ఏపీజీబీ మేనేజర్ అశ్వార్తు, మాజీ టౌన్ బ్యాంక్ మేనేజర్ లోకనాథ్, రాయల్ మురళి మోహన్, వైస్సార్ నాయకులు రిలాక్స్ నాగరాజు, రాజు, కృష్ణమోహన్, తెలుగుదేశం పార్టీ సీనియర్ నాయకులు పోట్ల రవి, సీనియర్ కాంట్రాక్టర్ కే వెంకట సాయికుమార్, ఇందిరా ప్రియదర్శిని హోటల్ ధనుంజయ బాబు తదితరులు సుధాకర్ బాబు విధి నిర్వహణలో తన బాధ్యతలు నిర్వహిస్తూ సామాజిక సేవ భాగంలో పి టి సి స్టేడియం నిర్వహణలో సభ్యులకు వాకింగ్ కి సౌకర్యలు కల్పించడంలో మరియు ఆఫీసర్స్ క్లబ్ నందు గత ఆరు సంవత్సరాలుగా ప్రతిరోజు అన్న దాన కార్యక్రమాన్ని నిర్వహించేవారు అన్నారు. పదవి విరమణ అనేది వయసుకు సంబంధించిందే కానీ మనసుకు కాదని తను మరింత సేవా కార్యక్రమాల్లో పాలు పంచుకుంటూ అందరి వాడిలా ఉండాలని కోరుకుంటున్నామన్నారు. ఈ సమావేశంలో వాకర్స్ అసోసియేషన్ సభ్యులు తదితరులు పాల్గొన్నారు.
