పార్టీ బలోపేతం కోసం ఉమిలాడ గ్రామంలో టెక్కలి నియోజకవర్గ జనసేన పార్టీ ఇంచార్జ్ కణితి కిరణ్ పర్యటన
నేడు సంతబొమ్మాళి మండలం ఉమిలాడ గ్రామంలో టెక్కలి నియోజకవర్గ జనసేన పార్టీ ఇంచార్జ్ కణితి కిరణ్ కుమార్ గారు పర్యటించారు. ఈ పర్యటనలో భాగంగా గ్రామంలో సమస్యలను అడిగి తెలుసుకుని ఈ మధ్య కురిసిన వర్షాలకి దెబ్బతిన్న ఇళ్లను పరిశీలించారు. అలాగే చాలా మంది గ్రామస్తులు అర్హులైన కూడా తమకి ప్రభుత్వ పథకాలు అందడంలేదని కణితి కిరణ్ కుమార్ గారి దగ్గర ఆవేదన వ్యక్తంచేశారు. ఈ సందర్భంగా ప్రభుత్వం దృష్టికి గ్రామస్థుల సమస్యలు తీసుకువెళ్లి తగిన న్యాయం జరిగేలా చేస్తామని హామీ ఇచ్చారు. ఈ పర్యటనలో నియోజకవర్గ నాయకులు ముడిదాన రాంప్రసాద్, కొత్తూరు హరి, పుక్కళ్ళ సాయి, సాయి మహంతి, క్రాంతి, కల్కి యాదవ్ ఉమిలాడ జనసైనికులు సురపతి సత్యం, మూగి శివ మరియు గ్రామ జనసైనికులు పాల్గొన్నారు.
