పాఠశాల అభివృద్ధికి పూర్వ విద్యార్థి ఎస్. షాహిల్ భాష విరాళం

శెట్టూరు (మాకొడికి), ఫిబ్రవరి 24, (జనస్వరం) : తమకు విద్యాబుద్ధులు నేర్పిన పాఠశాల అభివృద్ధికి చేయూతనందించాలనే ఉద్దేశంతో ఓ పూర్వ విద్యార్థి ముందుకు వచ్చాడు. మాకొడికి ఉన్నత పాఠశాలకు చెందిన 2016–17 బ్యాచ్ విద్యార్థి ఎస్. షాహిల్ భాష పాఠశాల అభివృద్ధి పనుల కోసం రూ.10,000 నగదును విరాళంగా అందజేశారు. ఈ మొత్తాన్ని ఉపాధ్యాయుల సమక్షంలో ప్రధానోపాధ్యాయులు శ్రీనివాసులకు అందించారు. ఈ సందర్భంగా ప్రధానోపాధ్యాయులు మాట్లాడుతూ తాము చదువుకున్న పాఠశాలపై మమకారంతో సహాయం అందించడం అభినందనీయమన్నారు. షాహిల్ భాష వంటి పూర్వ విద్యార్థులు ఇతరులకు స్ఫూర్తిగా నిలవాలని ఆశాభావం వ్యక్తం చేశారు. పాఠశాల అభివృద్ధికి అందించిన సహాయానికి ఉపాధ్యాయ బృందం ఆయనకు కృతజ్ఞతలు తెలిపింది.