అరట్లకోట్ల, (జనస్వరం) : అనకాపల్లి జిల్లా, పాయకరావుపేట మండలానికి చెందిన అరట్లకోట్ల గ్రామంలో జనసైనికుల ఆధ్వర్యంలో జనసేనపార్టీ అధినేత, వ్యవస్థాపకులు కొణిదల పవన్ కళ్యాణ్ పుట్టినరోజు వేడుకలు ఘనంగా నిర్వహించారు. ఈ మేరకు అరట్లకోట గ్రామ సర్పంచ్ పులగపూరి అప్పల నరస మరియు జనసైనికుల చేతుల మీదగా సుమారు 150 మంది విద్యార్థులకు పెన్నులు, పెన్సిల్లు, పలకలు, పుస్తకాలు అందజేశారు. ఈ సందర్భంగా సర్పంచ్ అప్పలనరస మాట్లాడుతూ ప్రతి ఒక్కరూ చదువుకోవాలని చదువుతోనే పేదరికాన్ని జయించవచ్చని ఈ సందర్భంగా తెలిపారు. ఈ కార్యక్రమంలో ప్రధానోపాధ్యాయులు కే.రామారావు, ఎం. భారతి, కే. శ్రీదేవి, జనసైనికులు గర్లంక ప్రకాష్, నడిగట్ల వరప్రసాద్, సత్తిబాబు, తుమ్మలనానాజీ, నాని, జాజి, భాను, వీనిల్, జనసేనపార్టీ నాయకులు కార్యకర్తలు, అభిమానులు తదితరులు పాల్గొన్నారు.