విశాఖపట్నం, (జనస్వరం) : విశాఖ మున్సిపల్ పరిధిలోని హిమాచల్ నగర్ లో కొత్తగా జియో టవర్ నిర్మించడానికి ప్రభుత్వం నుంచి సదరు యాజమాన్యం అనుమతులు తీసుకున్నారు. అయితే ఆ ప్రాంతంలో జియో టవర్ ఉండటం వల్ల తమకు ఇబ్బందులు ఎదురు అవుతాయని స్థానికులు ఆవేదన వ్యక్తం చేశారు. అక్కడ టవర్ నిర్మించడం వలన అనారోగ్య బారిన పడే అవకాశం ఉందని, మరొకచోటకి తరలించాలని కోరారు. ఈ విషయాన్ని స్థానిక పశ్చిమ నియోజకవర్గ నాయకుడు పీలా రామకృష్ణ వద్దకు తీసుకువచ్చారు. ఆయన వెంటనే స్పందించి ప్రభుత్వ అధికారులకు తెలియజేసారు. ప్రభుత్వం సానుకూలంగా స్పందించి త్వరలోనే సమస్య పరిష్కరిస్తామని అన్నారు. ఈ కార్యక్రమంలో జనసేన నాయకులు, స్థానికులు తదితరులు పాల్గొన్నారు.
