టెక్కలిలో కార్తీకమాసం రోజున డొక్కా సీతమ్మ పేరుతో అన్నదానం నిర్వహించిన జనసైనికులు
శ్రీకాకుళం జిల్లా టెక్కలి దరి రావివలస గ్రామంలో వెలసిన స్వయంభూ శివలింగం శ్రీ శ్రీ శ్రీ యండల మల్లిఖార్జున స్వామి వారి దేవస్థానంనకు కార్తీకమాసం మూడవ సోమవారం సందర్భంగా స్వామి వారి దివ్య దర్శనానికి విచ్చేసిన భక్తులకు టెక్కలి జనసేన పార్టీ తరుపున డొక్కా సీతమ్మ పేరు మీద అన్నదాన౦ చేపట్టడం జరిగింది. పార్టీ నియోజకవర్గ నాయకులు కూరాకుల యాదవ్, అట్టాడ శ్రీధర్ ల ఆధ్వర్యంలో సోమవారం టెక్కలి అంబేద్కర్ కూడలి వద్ద ఈ ప్రసాదం పంపిణీ చేపట్టారు. ఈ కార్యక్రమంలో రాయి సునీల్, పసుపు రెడ్డి సోమేశ్, హనుమంతు దిలిప్, తోట శ్యామ్, బొడ్డేపల్లి వెంకటేష్, వేణు, రాజు, రమణ తదితరులు పాల్గొన్నారు.
