పిఠాపురం నియోజవర్గం గొల్లప్రోలు మండలం వన్నెపూడి గ్రామంలో కరోనా రెండవ ఉదృతిలో కూడా వారి ప్రాణాలు సైతం లెక్క చేయకుండా పారిశుధ్య సిబ్బంది ప్రజల కోసం వారి బాధ్యతను సక్రమంగా నిర్వర్తిస్తున్నారు. గ్రామాలని శుభ్రంగా ఉంచుతూ అలాగే ఆరోగ్య సిబ్బంది దైర్యంగా కోవిడ్ రోగులకు కరోనా తగ్గేవరుకూ వారికి వైద్యం చేస్తూ మానసిక ధైర్యం చెప్తూ కరోనాను అంతం చేయడంలో తమ బాధ్యతను నిర్వర్తిస్తున్నారు. పారిశుధ్య, ఆరోగ్య సిబ్బందికి కృతజ్ఞతలు తెలుపుతూ వారి ఆరోగ్య రక్షణకై మాస్క్, గ్లౌజు, సానిటైజర్, ఫేస్షీల్డ్స్, చిరు సహాయంగా వన్నెపూడి మాకినీడి శేషుకుమారి యువసేన వారు అందించారు. అలాగే ప్రభుత్వం ఇంకా వీరికి కావాల్సినవి కేటాయించి వారి భద్రతను కాపాడాలని జనసేన పార్టీ తరఫున డిమాండ్ చేశారు. ఈ కార్యక్రమంలో మాకినీడి శేషుకుమారి యువసేన సభ్యులు నాయకులు జనసైనికులు తదితరులు పాల్గొన్నారు.
