జనసేన పార్టీ ఆధ్వర్యంలో భారత రాజ్యాంగ నిర్మాత డాక్టర్ బి.ఆర్. అంబేద్కర్ 130వ జయంతి పురస్కరించుకుని జనసేన పార్టీ స్థానిక సీనియర్ నాయకులు,ప్రజాగాయకులు, దళిత ఐక్య వేదిక అధ్యక్షుడు, శ్రీ ఆదాడ మోహనరావు గారి ఆధ్వర్యంలో స్థానిక కలక్టరేట్ కూడలిలో ఉన్న అంబేద్కర్ విగ్రహానికి పూలమాలలు వేసి ఆ పార్టీ నాయకులు నివాళులు అర్పించారు. ఈసందర్భంగా ఆదాడ మోహనరావు గారు మాట్లాడుతూ భారత రాజ్యాంగ నిర్మాత, అణగారిన వర్గాల హక్కులు కోసం, అభ్యున్నతి కోసం పోరాడిన యోధుడు డాక్టర్ బి.ఆర్.అంబేద్కర్ అని ఇటువంటి మహనీయున్ని ప్రపంచ వ్యాప్తంగా ఆదర్శంగా తీసుకున్నందుకు భారతీయులు గా మనమంతా గర్వించదగ్గ విషయమని అన్నారు. ఈ కార్యక్రమంలో జనసేన నాయకులు శ్రీ దంతులూరి రమేష్ రాజు గారు , జనసేన నాయకులు త్యాడ రామకృష్ణరావు(బాలు),డోల రాజేంద్రప్రసాద్, వాసు, పిడుగు సతీష్, సురేష్,రమేష్ పాల్గొన్నారు.
