శ్రీకాళహస్తి, (జనస్వరం) :  శ్రీకాళహస్తి నియోజకవర్గంలో ప్రజా సమస్యల పరిష్కార దిశగా, పార్టీ బలోపేతం దిశగా నియోజకవర్గ ఇంఛార్జ్ వినుత కోటా ప్రారంభించిన KNOW MY CONSTITUENCY కార్యక్రమంలో భాగంగా ఈరోజు రేణిగుంట పట్టణంలోని జ్యోతి నగర్ కాలనీలో పర్యటించి ఇంటిటికి వెళ్లి ప్రజలతో మాట్లాడి సమస్యలను తెలుసుకోవడం జరిగింది. జ్యోతి నగర్ కాలనీలో సమస్యలు ప్రధానంగా డ్రైనేజీ కాలువలు లేనందున కాలనీ వాసులు ఇబ్బందులు పడుతున్నామని, స్ట్రీట్ లైట్లు లేవు, పారిశుధ్యం సమస్య, నిత్యావసర వస్తువుల ధరల పెంపు తదితర సమస్యలను కాలనీ వాసులు వినుతకి తెలియజేశారు. సమస్యలను జిల్లా కలెక్టర్ దృష్టికి తీసుకుని వెళ్లి పరిష్కారం కొరకు జనసేన పార్టీ కృషి చేస్తుందని వినుత ప్రజలకు హామీ ఇవ్వడం జరిగింది. ఈ కార్యక్రమంలో రేణిగుంట మండల అధ్యక్షులు మునికుమార్ రెడ్డి, నాయకులు త్యాగరాజులు, పార్థసారథి, భాగ్య లక్ష్మి, ఉమా మహేశ్వరి, జ్యోతి, నితీష్ కుమార్, చందు చౌదరి, గిరీష్, సిద్ధూ, సోము, జనసైనికులు పాల్గొన్నారు.