అరకు ( జనస్వరం ) , అనంతగిరి మండల కేంద్రంలో గల సోమవారం సంతలో గిరిజనులకు జరుగుతున్న నిలువు దోపిడీని ప్రభుత్వం తక్షణమే అరికట్టాలని జనసేన పార్టీ జనసేన నాయకులు సాయిబాబా, దురియా, సన్యాసిరావు ప్రభుత్వానికి డిమాండ్ చేశారు.. ఈ సందర్భంగా వారు మాట్లాడుతూ సంతలో నకిలీ వస్తువుల జోరు మరింత పెరుగుతుందని దీన్ని అరికట్టేందుకు ప్రభుత్వ సంబంధిత అధికారులు దృష్టి పెట్టాలని సూచించారు. ఈ నేపథ్యంలో జనసేన పార్టీ వారపు సంతలో గిరిజనులకు జరుగుతున్న నిలువు దోపిడీ వెలికితీసే భాగంగానే సోమవారం ఉదయం వారపు సంతలో సందర్శించారు. అనంతరం నకిలీ వస్తువులను నిలుపుదల చేయాలని వ్యాపారస్తులకు సూచించడం జరిగింది. దీనికి ముందుగాను నకిలీ వస్తువులను పరిశీలించడం జరిగినది. ఈ కార్యక్రమంలో జనసైనికులు రాజు, కొండ తదితరులు పాల్గొన్నారు.
