నెల్లిమర్ల ( జనస్వరం ) : నియోజకవర్గ జనసేన నాయకురాలు లోకం మాధవి గారి ఆధ్వర్యంలో చేపట్టిన యువ భరోసా అనే కార్యక్రమంలో భాగంగా నియోజకవర్గం లోని పేద విద్యార్థిని విద్యార్థులకు ఎంసెట్ రిజిస్ట్రేషన్ మరియు కోచింగ్ ఉచితంగా ఇవ్వదలుచుకున్నారు. దానిలో భాగంగానే ఏప్రిల్ 15 నుండి నియోజకవర్గంలోని సుమారు 250 పైచిలుకు విద్యార్థిని విద్యార్థులకు మిరాకిల్ కాలేజీలో ఉచితంగా ఎంసెట్ శిక్షణ తరగతుల ప్రారంభించారు. ఈరోజు అక్కడికి వెళ్లిన జనసేన నాయకులు లోకం ప్రసాద్ గారు అక్కడ ఉన్న విద్యార్థిని విద్యార్థులతో ముచ్చటించడం జరిగింది. లోకం ప్రసాద్ గారు మాట్లాడుతూ ఈ కార్యక్రమం మొదలు పెట్టడానికి ముఖ్య ఉద్దేశం నియోజకవర్గంలోనే పేద విద్యార్థులు ఉన్నత చదువులు చదవాలి అని, మెరుగైన విద్యా ఉద్యోగాలు కనిపించాలనే ఉద్దేశంతో ఈ కార్యక్రమం మొదలు పెట్టామని శ్రీ లోకం ప్రసాద్ గారు తెలియజేశారు. విద్యార్థులకు ఎప్పుడు అండగా జనసేన నాయకురాలు శ్రీమతి లోకం మాధవి గారు ఉంటారు అని భరోసా ఇచ్చారు. ఆ తరువాత విద్యార్థులకు కావలసిన పుస్తకాలు మరియు మెటీరియల్స్ ని పంపిణీ చేశారు.