యలమంచిలి ( జనస్వరం ) : ఈ నెల 12న శ్రీకాకుళం జిల్లా రణస్థలిలో జనసేన పార్టీ ఆధ్వర్యంలో యువశక్తి నిర్వహించనున్నట్లు తెలిసిన విషయమే. ఈ సందర్భంగా మైలవరం నియోజకవర్గం ఇంచార్జి, యువశక్తి ప్రచారకర్త అక్కల రామ్మోహన్ రావు యలమంచిలి నియోజకవర్గం ఇంచార్జి విజయకుమార్ తో కలసి యలమంచిలి నియోజకవర్గం పర్యటించి 12వ తారీకున జరగబోవు యువశక్తి కార్యక్రమం ప్రచారం నిర్వహించారు. ఈ సందర్బంగా ఏర్పాటు చేసిన విలేకరుల సమావేశంలో మాట్లాడుతూ ఈ ప్రభుత్వం యువత కు చేస్తున్న అన్యాయాలపై ప్రభుత్వాన్ని నిలదీశారు. అలాగే యువశక్తి యువకులు గళం విప్పడానికి మంచి వేదిక అని, యువకులందరు ఈ అవకాశం సద్వినియోగం చేసుకోవాలని కోరారు. ఈ కార్యక్రమంలో మండల నాయకులు, కార్యకర్తలు పాల్గొన్నారు.