ఉప్పల్ ( జనస్వరం ) : ఉప్పల్ నియోజకవర్గం, మీర్పేట్, హెచ్.బి కాలనీ, కృష్ణానగర్ జనసేన పార్టీ నాయకులు కొల్లు.నరేష్ నాయుడు ఆధ్వర్యంలో క్రియాశీలక సభ్యత్వ కిట్లను పంపిణీ కార్యక్రమం చేయడం జరిగింది. ఈ సందర్భంగా కొల్లు నరేష్ నాయుడు మాట్లాడుతూ పవన్ కళ్యాణ్ పెద్ద మనసుతో జనసేన పార్టీ కార్యకర్తలను దృష్టిలో పెట్టుకొని వాళ్ళ కుటుంబాలకు అండగా నిలిచేందుకు ఈ ప్రమాద బీమా ఇన్సూరెన్స్ ఏర్పాటు చేయడం జరిగిందని అన్నారు. ఇలాంటి మానవత్వం గల మహోన్నతమైన దేశభక్తి గల నాయకుడు పెట్టిన జనసేన పార్టీని తెలంగాణ రాష్ట్రంలో గ్రామ స్థాయిలో మరియు పట్టణంలో పార్టీ బలోపేతానికి ప్రతి ఒక్కరూ కృషి చేయాలని కోరారు. ఈ కార్యక్రమంలో జనసైనికులు రామాంజనేయులు, నరేష్, రాంబాబు, శ్రావణ్ తదితరులు పాల్గొన్నారు.
