నెల్లూరు సిటీ ( జనస్వరం ) : జనసేన పార్టీ నాయకులు కేతంరెడ్డి వినోద్ రెడ్డి ఆధ్వర్యంలో నిర్విరామంగా, నిరాటంకంగా జరుగుతున్న పవనన్న ప్రజాబాట కార్యక్రమం 287వ రోజున 46వ డివిజన్ కాకర్ల వారి వీధిలో జరిగింది. ఈ ప్రాంతంలో ప్రతి ఇంటికీ వెళ్ళిన కేతంరెడ్డి ప్రజల సమస్యలను అధ్యయనం చేసి అండగా నిలబడతామని భరోసా కల్పించారు. ఈ సందర్భంగా కేతంరెడ్డి వినోద్ రెడ్డి మాట్లాడుతూ జనసేన పార్టీ క్రియాశీలక సభ్యత్వం నూతనంగా తీసుకోవడానికి, రెన్యూవల్ చేసుకోవడానికి గడువు ముగుస్తోందని, ఈ బృహత్తర కార్యక్రమంలో పాల్గొన్న ప్రతి ఒక్క వాలంటీరుకి ధన్యవాదాలు తెలిపారు. పార్టీ అభివృద్ధి కోసం అహర్నిశలు శ్రమిస్తున్న ఏ ఒక్క కార్యకర్తని కూడా విస్మరించమని, రాత్రి పగలు తేడా లేకుండా వారికి ఏ సమయంలో ఏ అవసరం పడినా తోడుగా ఉంటూ అండగా నిలుస్తామని అన్నారు. పవన్ కళ్యాణ్ గారిని ముఖ్యమంత్రి గా చేసుకొనే మన యజ్ఞానికి ప్రజలందరి ఆశీస్సులు సంపూర్ణంగా ఉన్నాయని, రాష్ట్రానికి కాబోయే సీఎం పవనన్నే అని కేతంరెడ్డి వినోద్ రెడ్డి తెలిపారు. ఈ కార్యక్రమంలో స్థానిక జనసేన పార్టీ నాయకులు, కార్యకర్తలు పాల్గొన్నారు.