ఉరవకొండ, (జనస్వరం) : ఉరవకొండ పట్టణంతో పాటు ఐదు పరిసర గ్రామాల ప్రజల దాహార్తిని తీర్చే సత్యసాయి తాగునీరు పైపుల లీకేజీ ఫలితంగా మురుగునీరు ఆ మంచినీటి పైపుల గుండా ప్రవహించి ప్రజల ఆరోగ్యంపై తీవ్ర ప్రభావం చూపిస్తోంది. నింబగల్లు సత్యసాయి తాగునీటి ట్యాంకుల ద్వారా ఉరవకొండ పట్టణంలోకి సరఫరా అవుతున్న మూడు నీటి పైపులు పగిలిపోవడం వలన రెండు రోజులుగా త్రాగునీరు వృథాగా పోతోంది. అలాగే మురుగునీరు ఆ పైపుల గుండా ప్రవహిస్తూ ఆ నీటిని తాగుతున్న ప్రజలు అస్వస్థతకి గురి అవుతున్నారు. ఈ త్రాగునీటి పైపులను వెంటనే త్వరితగతిన మరమ్మతులు చేయించి ప్రజారోగ్యం కాపాడవలసిందిగా RWS అధికారి గారికి ఉరవకొండ మండల జనసేన పార్టీ అధ్యక్షులు బోయ చంద్రశేఖర్ గౌడ్ అధికారులకు వినతి పత్రం అందజేశారు. ఈ కార్యక్రమంలో జిల్లా కార్యదర్శి గౌతమ్ కుమార్, ఉపాధ్యక్షులు రాజేష్, అబ్దుల్లా, ప్రధాన కార్యదర్శులు, కమిటీ సభ్యులు, పార్టీ నాయకులు దేవేంద్ర, అజయ్, జనసైనికులు తదితరులు పాల్గొన్నారు.