విజయనగరం ( జనస్వరం ) : శాంతినగర్ లో గల ఉర్దూ ప్రాథమిక పాఠశాలలో ఉర్దూ టీచర్ లేని కారణంగా జనసేన నాయకులు హుస్సేన్ ఖాన్ మరియు చక్రవర్తి కార్పొరేటర్ అభ్యర్థి వంక నర్సింగరావు పాఠశాలను సందర్శించారు. స్కూల్ ప్రిన్సిపాల్, స్థానిక కార్పొరేటర్, సచివాలయం సిబ్బందితో మాట్లాడి వెంటనే ఉర్దూ టీచర్ ను భర్తీ చేయాలని డిమాండ్ చేయడం జరిగింది. హుస్సేన్ ఖాన్ మాట్లాడుతూ జగనన్న విద్యాకానుక, విద్యాదీవెన అంటూ ఆర్భాతాలు చేస్తుంటారు. కానీ ఉర్దూ ప్రాథమిక పాఠశాలలో ఉర్దూ టీచర్ లేకపోవడం దౌర్భాగ్యమని అన్నారు. ఒక వారంలోపు టీచర్ ను నియమించాలని లేదంటే జనసేన పార్టీ ఆధ్వర్యంలో పోరాడుతామని తెలియజేశారు.
