గుడివాడ ( జనస్వరం ) :  గుడివాడ పట్టణంలో పోస్ట్ ఆఫీస్ రోడ్ లో గత కొంతకాలంగా భిక్షాటన చేసుకుంటూ జీవిస్తున్న ఒక వృద్ధతల్లి రాత్రి అనారోగ్యంతో చనిపోవడంతో అక్కడ ఉన్న స్థానికులు గుడివాడ పట్టణ జన సైనికులకు తెలియజేయగా పోలీస్ వారికి సమాచారం తెలియజేసి ఆ వృద్ధ తల్లి అంతిమ సంస్కారాలు చేయడం జరిగింది. ఈ సందర్భంగా గుడివాడ పట్టణ జనసేన నాయకులు మాచర్ల రామకృష్ణ(Rk) మాట్లాడుతూ మానవ సేవ అనే నినాదంతో గుడివాడ పట్టణంలో నా అనే వాళ్లు లేక అనాథులుగా చనిపోవడంతో ఆ మృతదేహాలకు అన్ని మేమే అంత్యక్రియలు చేస్తున్నామని, అదేవిధంగా ఈరోజు మహిళా దినోత్సవం నాడు ఒక వృద్ధతల్లిని అనాదిగా అంతక్రియలు చేయడం చాలా బాధాకర విషయం అని అన్నారు. ఆ తల్లి ఎక్కడ పుట్టిందో ఎక్కడ పెరిగిందో తెలియదు కానీ మేము ఆ తల్లికి ఒక కొడుకు లాగా ఈ కార్యక్రమం చేయడం జరిగిందని, మనం పుట్టినప్పుడు ఎంత పవిత్రంగా పుడతామో అదే చివరి దశలో తనువు చాలించినప్పుడు అదే పవిత్రంగా ఉండాలని ఆలోచనతో ఇలాంటి కార్యక్రమాలు చేసి వారి ఆత్మకు శాంతి చేకూరాలని ఆ భగవంతుని కోరుకుంటున్నామని తెలియజేశారు. ఈ కార్యక్రమానికి నాకు తోడుగా ఉంటున్న నా టీం సభ్యులకు మరియు పోలీసు వారికి నా హృదయపూర్వక ధన్యవాదములు అని తెలియజేసినారు. ఈ కార్యక్రమంలో జనసేన నాయకులు అయ్యప్ప, చరణ్, సురేష్, మరియు జనసైనికులు పాల్గొన్నారు.