తూర్పుగోదావరి జిల్లా రాజోలు నియోజకవర్గంసఖినేటిపల్లి మండల పరిధిలోని కేశవదాసుపాలెం గ్రామంలో బెల్లంకొండ వారి గ్రూపు సమీపంలో నివాస గృహాల మద్య ఓఎన్జీసీ గ్యాస్ పైపు లైను లీకేజీ అయ్యింది. ఈ విషయాన్ని గమనించిన స్థానిక జనసైనికులు అధికారులకు సమాచారం అందించారు. అధికారులు వెంటనే స్పందించి సఖినేటి పల్లి ఎస్ఐ గోపాలకృష్ణగారు పైప్ లైన్లు లీక్ అవుతున్న స్థలాన్ని పరిశీలించడం జరిగింది. అనంతరం ఓ‌ఎన్‌జి‌సి అధికారులతో మాట్లాడి ఈ సమస్యకు శాశ్వత పరిష్కారం తీసుకురావాలంటూ ఎస్‌ఐ గారు ఓ‌ఎన్‌జి‌సి అధికారులను కోరడం జరిగింది. ఇందులో సఖినేటిపల్లి ఎస్ఐ గోపాలకృష్ణగారు కేశవదాసుపాలెం వి ఆర్ ఓ నాగరాజు గారు, ఎన్నారై మండేల బాబి నాయుడు గారు స్థానిక జనసైనికులు ఆచంట పండు గారు, బెల్లంకొండ రామారావు గారు, ఓ ఎన్ జి సి అధికారులు సత్యనారాయణ గారు స్థలాన్ని పరిశీలించడం జరిగింది. సకాలంలో సమస్యను అధికారుల దృష్టికి తీసుకువచ్చినందుకు జనసైనికులను అభినందించారు. త్వరలోనే శాశ్వత పరిష్కారం కల్పిస్తామని హామీ ఇచ్చారు.