కాకరాపల్లి గ్రామ సమస్యలపై టెక్కలి జనసేన ఇంచార్జ్ కణితి కిరణ్ పర్యటన

             జనసేన పార్టీ బలోపేతంలో భాగంగా సంతబొమ్మాళి మండలం కాకరాపల్లి గ్రామంలో ఈ రోజు టెక్కలి జనసేన ఇంచార్జ్ కణితి కిరణ్ పర్యటించి పలు గ్రామ సమస్యల్ని తెలుసుకున్నారు. ఈ పర్యటనలో భాగంగా ముఖ్యంగా గ్రామానికి అనుకుని ఉన్న క్వారీ లో ఉపయోగించే బ్లాస్టింగ్ వలన తమ పంట పొలాలు, ఇంటి గోడలు దెబ్బతింటున్నాయని మరియు బ్లాస్టింగ్ శబ్దాల వలన రాత్రిపూట భయంతో గడపవలసి వస్తుందని గ్రామస్థులు తెలియజేసారు. ఇదే విషయాన్ని ఆ గ్రామ ప్రజలు అధికారుల దృష్టికి తీసుకువెళ్లిన ఉపయోగం లేకుండా పోయిందని కణితి కిరణ్ దగ్గర వాపోయారు. ఈ ఊరిలో ఉన్న తుఫాన్ రక్షిత భవనం శిథిలావస్థకు చేరుకున్నదని, గ్రామంలో ని కొందరు వారి సొంత అవసరాలకు తుఫాన్ భవనం ను వాడుకొంటున్నారని తెలియజేసారు. వెంటనే స్పందించిన కిరణ్ సంబంధిత అధికారులతో మాట్లాడి సమస్య పరిష్కారానికి కృషి చేస్తానని తెలిపారు. ఈ కార్యక్రమంలో గ్రామ యువత పల్లి మల్లేష్, వెంకట్, శివ, సిమ్మన్న, మరియు జడ్పీటీసీ అభ్యర్థి చిన్నారెడ్డి, అనిల్ పొగటి, కొత్తూరు హరి, విరాట్ చందు, కల్కి, సాయి, తెలుగు శంకర్, సాయి మహంతి పాల్గొన్నారు.