తర్లీపేట చెరువు ఆక్రమణలు ఆపండి : జనసేన ఇంచార్జ్ కణితి కిరణ్

           టెక్కలి నియోజకవర్గం కోటబొమ్మలి మండలం తర్లీపేట పంచాయతీ, తర్లీపేట గ్రామంలోగల చెరువు (కంకర బంద) ఆ క్రమణకు గురి అయినది అని టెక్కలి జనసేన ఇంచార్జి కణితి కిరణ్ కోటబొమ్మలి ఇంచార్జి MRO మధు గారికి విన్నవించారు. ఈ చెరువు విస్తీర్ణం 1.3 ఎకరాలుగా గ్రామ రికార్డులలో నమోదు అయి ఉన్నది. ఇందులో కొంత భాగము వంశధార కాలువకు కేటాయించినారు. కాలక్రమంలో ఆ చెరువు గర్భం అక్రమార్కుల ఆక్రమణకు గురి అయినది. నేడు ఆ చెరువు విస్తీర్ణం 15 సెంటులకు కుదించబడినది అని తన వినతి పత్రం లో విన్నవించారు. తక్షణమే ఆ చెరువును రీ సర్వే జరిపించి అక్రమార్కులను శిక్షించాలని డిమాండ్ చేశారు. ఈ కార్యక్రమంలో నియోజకవర్గ నాయకుడు నర్సిపురం శేఖర్, కోటబొమ్మలి జనసేన జడ్పీటీసీ అభ్యర్థి పగోటి అనిల్, ఎంపీటీసీ అభ్యర్థి పొన్నాన కోటి, కల్కి యాదవ్ పాల్గొన్నారు.