మదనపల్లి, (జనస్వరం) : ఆంధ్రప్రదేశ్ రాష్ట్ర ప్రభుత్వం, సినిమాల మీద కాకుండా ప్రభుత్వ పరిపాలనపై దృష్టి సారిస్తే బాగుంటుందని జనసేన పార్టీ చిత్తూరు జిల్లా కార్యదర్శి అనిత ప్రభుత్వంపై మండిపడ్డారు. ఈ సందర్భంగా ఆమె మాట్లాడుతూ సినిమా మీద కక్ష సాధింపు చర్యలు చేస్తూ ప్రత్యక్షంగా, పరోక్షంగా ఎంతో మంది సినిమాల మీద ఆధారపడి ఉంటారు. వారి జీవితాల మీద, వారి ఆర్థిక మూలాలు మీద దెబ్బ కొట్టడం బాధాకరంగా ఉందని అన్నారు. తెలంగాణ ప్రభుత్వం ప్రత్యేక రాయితీలు కల్పిస్తూ సినిమా రంగాన్ని ప్రోత్సహిస్తూ ఉంటే మన రాష్ట్ర ప్రభుత్వం అటు సినిమా వాళ్ళని, ఇటు అభిమానులను అందర్నీ ఇబ్బంది చేస్తుంది. ఇలా చేయడం తగదని ప్రభుత్వాన్ని హెచ్చరించారు. లేనిపక్షంలో రాబోయే కాలంలో పవన్ కళ్యాణ్ అభిమానులు, ప్రజలు కచ్చితంగా ప్రభుత్వం మీద తిరుగుబాటు చేయడం ఖాయమని అన్నారు. ఇప్పటికైనా రాష్ట్ర ప్రభుత్వం సినిమావాళ్ల మీద కాకుండా పరిపాలన మీద దృష్టి సారించి ప్రజల శ్రేయస్సుకు పని చేస్తే బాగుంటుందని ఈ సందర్భంగా తెలియజేసుకుంటున్నానని అన్నారు.