కళ్యాణదుర్గం, (జనస్వరం) : అనంతపురం జిల్లా కళ్యాణదుర్గం నియోజకవర్గం జనసేన పార్టీ జిల్లా కార్యదర్శి లక్ష్మీ నరసయ్య, సంయుక్త కార్యదర్శి బాల్యం రాజేష్ ఆధ్వర్యంలో జనసేన క్రియాశీలక సభ్యత్వముపై అవగాహన కార్యక్రమం నిర్వహించారు. ఈ సందర్భంగా వారు మాట్లాడుతూ కళ్యాణదుర్గం నియోజకవర్గంలోని జనసేన పార్టీ కార్యకర్తలు వారి కుటుంబ సభ్యులు తప్పకుండా క్రియాశీలక సభ్యత్వం నమోదు చేయించుకున్న ప్రమాదవశాత్తు ఏదైనా జరిగితే హాస్పిటల్లో 50 వేల రూపాయలు, మరణించినట్లయితే 5 లక్షల రూపాయలు కుటుంబ సభ్యులకు ఇవ్వడం జరుగుతుందని అన్నారు. కాబట్టి ఇన్సూరెన్స్ పాలసీ గురించి గ్రామ స్థాయిలోకి ప్రజలకి తెలియజేసే బాధ్యత మనందరం తీసుకొని క్రియాశీలక సభ్యత్వాన్ని విజయవంతం చేయాలని కోరుతున్నాము. ఈ కార్యక్రమంలో మండల కన్వీనర్లు, జయ కృష్ణ, ఆంజనేయులు, ఈరన్న, రాజు, రామలింగ, కాంత రాజ్, మహేష్, వీర మహిళ షేక్ తార, జాకీర్, నరేష్, లక్ష్మణ్ జనసేన పార్టీ నాయకులు పాల్గొనడం జరిగింది.