ఇటీవలే జరిగిన స్థానిక సంస్థల పంచాయతీ పోరులో ప్రజలు జనసేన పార్టీ సానుభూతి పరులను ఆదరించడం ఎంతో శుభపరిణామమని మండల అధికార ప్రతినిధి రాహుల్ సాగర్ పేర్కొన్నారు. ఈ సందర్భంగా రాహుల్ సాగర్ మాట్లాడుతూ నాలుగు దశల్లో జరిగిన పంచాయతీ ఎన్నికల్లో 500 పైచిలుకు సర్పంచ్, స్థానాలు మరియు 2500 వార్డ్ మెంబర్లను జనసేన పార్టీ బలపర్చిన అభ్యర్థులను గెలిపించడం మార్పుకి సంకేతం అని అన్నారు. అధికార పార్టీ ఎన్ని ఇబ్బందులు పెట్టినా వెను చూపకుండా పోరాడారని కొనియాడారు. జనసేన పార్టీ నాయకులు, జనసైనికులందరు ఇదే స్ఫూర్తిని కొనసాగించాలని రేపు రాబోయే పురపాలక ఎన్నికలు మరియు జెడ్పిటిసి, ఎంపీటీసీలో కూడా ఇదే పోరాటాన్ని కొనసాగిస్తూ అన్ని చోట్ల జనసేన జెండా ఎగిరే విధంగా ప్రతి ఒక్కరూ కృషి, చేయాలని కోరారు.