నందిగామ, (జనస్వరం) : కృష్ణా జిల్లా నందిగామ నియోజకవర్గ  జనసేనపార్టీ ఆధ్వర్యంలో జనసేన కార్యకర్తలు నందిగామ గాంధీ సెంటర్ నందు భగత్ సింగ్ విగ్రహానికి పూలమాల వేసి ఘననివాళి అర్పించడం జరిగింది. ఈ సందర్భంగా బద్రి మాట్లాడుతూ ఈరోజు భగత్ సింగ్, సుఖ్ దేవ్, రాజ్‌గురుల ప్రాణ త్యాగాలను గుర్తుచేసుకుంటారు. మీరు కూడా ఆ సమరయోధుల ప్రాణత్యాగాన్ని సోషల్ మీడియా వేదికపై స్మరించండి. భగత్ సింగ్ చెప్పిన ఈ స్ఫూర్తిదాయక సూక్తులను మీ వాట్సాప్, ఫేస్‌బుక్, ట్విట్టర్ తదితర సోషల్ మీడియా వేదికల్లో పోస్టు చేసి మీ దేశభక్తిని చాటండి. దేశం కోసం చనిపోయేవారు ఎల్లకాలం బతికే ఉంటారు. మనుషులను చంపగలరేమో కానీ వారి ఆదర్శాలను చంపలేరు అని తెలియజేశారు. ఈ కార్యక్రమంలో కార్యకర్తలు కుమ్మరి రాజేష్, తోట వేణు, పండగల నరేంద్ర, మెల్లంపూడి జగదీష్ తదితరులు పాల్గొనడం జరిగింది.