పిఠాపురం ( జనస్వరం ) : జాతీయ రైతు దినోత్సవం పురస్కరించుకుని జనసేన పార్టీ అధినేత పవన్ కళ్యాణ్ గారు, పి.ఎ.సి సభ్యులు కొణిదెల నాగబాబు గారి పిలుపుమేరకు పిఠాపురం నియోజకవర్గ జనసేన పార్టీ ఇంచార్జ్ మాకినీడి శేషుకుమారి గారు గ్రామాల్లో పర్యటించారు. పిఠాపురం మండలం కొత్త సింహాద్రిపురం, దొంతమూరు మరియు గొల్లప్రోలు మండలం తాటిపర్తి గ్రామాల్లో పర్యటించి వ్యవసాయ క్షేత్రంలో రైతులకు రైతు దినోత్సవ శుభాకాంక్షలు తెలియపరిచారు. రైతులతో మాట్లాడి వారి సమస్యలు అడిగి తెలుసుకున్నారు. ఆమె మాట్లాడుతూ అధికారం లేకపోయినా రైతులకు పెద్దపీట వేస్తూ, వారిని కష్ట కాలంలో అధుకుంటున్న ఏకైక పార్టీ జనసేన పార్టీ ఆత్మహత్య చేసుకున్న కౌలు రైతుల కుటుంబాలకు జనసేన అధ్యక్షులు 3000 మంది కుటుంబాలకు, ఒక్కో కుటుంబానికి లక్ష రూపాయలు ఇస్తున్నారని అన్నారు. ఈ కార్యక్రమంలో రైతులు, జనసేన నాయకులు పాల్గొన్నారు.