రాష్ట్ర ప్రభుత్వం కాపు కార్పొరేషన్ కొరకు కేటాయించిన నిధులు సక్రమంగా కాపుల అభివృద్ధి కొరకే వినియోగించాలని, 45 సంవత్సరాల నుండి 60 సంవత్సరాలలోపు సుమారు 20 లక్షల మంది కాపు మహిళలు ఉన్నారని అంచనా. వారిలో 3 లక్షల మందికి సంవత్సరానికి 15 వేలు చొప్పున చెల్లించి కాపులను ఉద్ధరించినట్లు ప్రచారం చేసుకోవడం వింతైన చర్య అని జనసేన నాయకులు అన్నారు. ఆలాగే E.W.S ద్వారా కేంద్రం ప్రభుత్వం కేటాయించిన 10 శాతం రిజర్వేషన్లలో 5 శాతం కాపులకు కేటాయించాలని రాష్ట్ర కాపు సంక్షేమ సేన అధ్యక్షులు చేగొండి హరిరామ జోగయ్య , కాపు సంక్షేమ యువసేన రాష్ట్ర అధ్యక్షులు ఆర్కాట్ కృష్ణ ప్రసాద్ గారి ఆదేశాల మేరకు చిట్వేలి మండల కాపు సంక్షేమ సేన ఆధ్వర్యంలో తహసీల్దార్ కార్యాలయంలో ఆర్.ఐ సునీల్ గారికి వినతిపత్రాన్ని అందజేయడం జరిగింది. ఈ కార్యక్రమంలో కాపు సంక్షేమ నాయకులు మాదాసు నరసింహ, కాపు సంక్షేమ యువసేన చిట్వేలి మండలం వైస్ ప్రెసిడెంట్ నానబల మహేంద్ర, జనరల్ సెక్రెటరీ పగడాల శేషాద్రి, సెక్రెటరీ యెద్దల చెంగల్రాయుడు, తదితరులు పాల్గొన్నారు.