పలుమార్లు సమస్యలు విన్నవించినా పట్టించుకోని అధికారులు.

టెక్కలి ( జనస్వరం) : తమ నియోజకవర్గంలోని సమస్యలను పలుమార్లు అధికారుల దృష్టికి తీసుకెళ్లినా పట్టించుకోలేదని టెక్కలి నియోజకవర్గ జనసేన పార్టీ ఇంఛార్జ్ కణితి కిరణ్ ధ్వజమెత్తారు. కన్నెవలస మరియు చుట్టుగుండం రెండు గ్రామాల మధ్య వంతెన పూర్తిగా దెబ్బతిన్నదని, కొత్త వంతెన నిర్మించాలని పలుమార్లు అధికారులను ఆశ్రయించామన్నారు. ఈ గ్రామానికి అంబులెన్సులు రావాలన్నా కూడా చాలా ప్రమాదకరమైన స్థితిలో ఉందన్నారు.చుట్టుగుండం గ్రామంలో కూడా తాగడానికి సరైన నీటి వసతి లేదని, డ్రైనేజి వ్యవస్థ లేకపోవడంతో ఈ వర్షాకాలంలో గ్రామం అంతా నీటితో నిండిపోయే పరిస్థితి అని అన్నారు. గ్రామంలో వీధి లైట్లు లేకపోవడం వలన చీకటిలో బ్రతకాల్సి వస్తోందని, అగ్రిగోల్డ్ బాధితులకు న్యాయం చేయాలని శ్రీకాకుళం జిల్లా కలెక్టర్ గారికి స్పందన కార్యక్రమం ద్వారా తెలియజేశామన్నారు.