నాగర్ కర్నూల్, (జనస్వరం) : నాగర్ కర్నూల్ జిల్లా, తిమ్మజ్ పెట్ మండలం, పోతిరెడ్డిపల్లి గ్రామానికి చెందిన కుమ్మరి భీమయ్య ఇల్లు భారీ వర్షాలు వల్ల కూలిపోవడం జరిగింది. ఈ విషయం తెలుసుకున్న జనసైనికులు జనసేనపార్టీ తెలంగాణ రాష్ట్ర యువజన అధ్యక్షులు, నాగర్ కర్నూల్ జిల్లా ప్రధాన కార్యదర్శి వంగ లక్ష్మణ్ గౌడ్ కు తెలియజేయడం జరిగింది. ఈ సందర్భంగా పోతిరెడ్డిపల్లి గ్రామ జనసైనికులతో కలిసి కూలిపోయిన నివాసాన్ని సందర్శించి, వారి కుటుంబ సభ్యులను పరామర్శించి, వారికి ధైర్యం ఇవ్వడం జరిగింది. అదేవిధంగా కూలిపోయిన ఆ నివాసాన్ని ఒక రెండు గదుల రేకుల ఇల్లు నిర్మించి ఇస్తానని హామీ ఇవ్వడం జరిగింది. ఈ కార్యక్రమంలో పోతిరెడ్డిపల్లి జనసైనికులు విజయ భాస్కర్ గౌడ్, ఎడ్ల శివుడు, ఎడ్ల ప్రసాద్, ఎస్.కె అల్తాఫ్, పవన్, పి శివ, టి బాలకృష్ణారెడ్డి, ఎం శ్రీకాంత్, బి ఆదిమోహన్, ఆవుల రాములు, జీవన్ కుమార్, వి గోపి తదితరులు పాల్గొన్నారు.