కావలి ( జనస్వరం ) : నెల్లూరు జిల్లా కావలి పట్టణం నందు మినీ స్టేడియం నిర్మించాలని కోరుతూ జనసేన నాయకుడు సిద్దు ఆధ్వర్యంలో జనసేన కార్యకర్తలతో కలిసి మంగళవారం నాడు నిరసన కార్యక్రమం చేపట్టడం జరిగింది. ఈ సందర్భంగా సిద్దు మాట్లాడుతూ నెల్లూరు జిల్లాలో అన్ని చోట్ల మినీ స్టేడియం ఉందని క్రీడాకారులు ఎక్కువగా ఉన్న కావలి ప్రాంతంలో మినీ స్టేడియం లేదని అన్నారు. ఎమ్మెల్యే చొరవ తీసుకొని వెంటనే ఆగి ఉన్న మినీ స్టేడియం పనులు ప్రారంభించాలని కోరుతూ జనసేన పార్టీ ఆధ్వర్యంలో నిరసన కార్యక్రమం చేపట్టామని పేర్కొన్నారు. ఈ కార్యక్రమంలో కావలి నియోజకవర్గ కాపు,బలిజ అధ్యక్షులు మరియు జనసేన జిల్లా కార్యదర్శి తోట శేషయ్య, కావలి రూరల్ అధ్యక్షులు తిరుపతి స్వామి మనోజ్, తోట సాయి, అలహరి ఫణి, కార్తీక్, జోషి, శ్రీహరి, ప్రమోద్ జనసేన పార్టీ కార్యకర్తలు పాల్గొన్నారు.