పాలకొల్లు ( జనస్వరం ) : పాలకొల్లు నియోజకవర్గానికి చెందిన జనపరెడ్డి లక్ష్మీనారాయణ దినసరి కూలీ వృత్తి చేస్తూ జీవనం సాగించేవారు. కొన్ని రోజుల క్రితం పని చేస్తూ భవనం 3 అంతస్తుల పై నుండి కింద పడి దురదృష్టవశాత్తు మంచానికకే పరిమితం అయ్యారు. ఆయన కుమార్తె యజ్ఞశ్రీకి ఈ మధ్యనే వివాహం నిశ్చమైంది. ఇంటి పెద్ద మంచానికె పరిమితం కావడంతో కుటుంభం జీవనం కూడా కష్టతరంగా మారింది. కుటుంబ సభ్యులు పెళ్లి చేయడానికి ఇబ్బంది పడుతున్నాం అని అమ్మ నాన్న పవన్ కళ్యాణ్ ఫౌండేషన్ ను సహాయం కోరగా వారి పెళ్లికి కావలసిన రూ. 25,000 విలువైన మంగళసూత్రాలు చేగొండి హరి రామ జోగయ్య గారి చేతుల మీదగా వారి కుటుంబ సభ్యులకు అందజేయడం జరిగింది.  ఈ కార్యక్రమంలో ఫౌండేషన్ అధ్యక్షుడు చెన్నంశెట్టి గోవర్ధన్, అనంతపల్లి సతీష్, యింటి శరణ్ బాబు, పామర్తి బాలు, గమ్మిడి మహేష్, నాగసాయి పాల్గొన్నారు.