ఆచంట ( జనస్వరం ) : మండలంలో నీ గుమ్మలురు గ్రామంలో గ్రామ సభ స్థానిక పంచాయితీ కార్యాలయంలో సర్పంచ్ సోనియా రాణి అధ్యక్షత జరిగింది. ఈ సందర్భంగా జనసేన పార్టీ జిల్లా సంయుక్త కార్యదర్శి రావి హరీష్ బాబు పలు సమస్యలు సభ దృష్టికి తీసుకెళ్లారు. గత పది రోజులుగా కురుసిన వర్షాలకు వార్డుల్లో నీరు నిలిచి పోయి దోమలు పేరుకు పోయి ప్రజలు జ్వరాల బారిన పడ్డారని కనీసం పంచాయితీ వారు పారిశుధ్య పనులు చేపట్టలేదు అని సభ దృష్టికి తీసుకొచ్చారు. ప్రజలకు కులాయిల ద్వారా ఇచ్చే మంచి నీరు సరిగ్గా శుద్ది చేయకుండా ఇవ్వండం లేదని ఆయన అన్నారు. ఈ సమస్యలను త్వరతగతిన పరిష్కరించాలని డిమాండ్ చేశారు.
