నెల్లూరు ( జనస్వరం ) : గత 30 ఏళ్లుగా సొంత భూమి లేక ,వ్యవసాయ కూలీలుగా, కౌలు రైతులుగా, ఉపాది హామీ పనులకి వెళ్తూ జీవనం సాగిస్తున్న కౌలు రైతులు జిల్లా జాయింట్ కలెక్టర్ గారికి వినతి పత్రాలు ఇచ్చారు. ఈ కార్యక్రమంలో జనసేన పార్టీ సీనియర్ నాయకులు భరత్ మాట్లాడుతూ భూమి లేని రైతులకి, ప్రభుత్వము భూములు మంజూరు చేయాలని, వ్యవసాయం చేస్తూ సొంత భూమి లేక రైతులు కౌలు కట్టుకోలేక, ప్రభుత్వ పథకాలు అందక నష్టపోతున్నారు అని అన్నారు. అర్హత కలిగిన వారికి భూమి ఇవ్వడం ప్రభుత్వ బాధ్యతని ఈ సందర్భంగా అన్నారు. ఈ కార్యక్రమంలో కానగల శ్రీనివాస్ జయ ప్రసాద్, నరసింహ రాయల్, గంగాధర్ యాదవ్ తదితరులు పాల్గొన్నారు.