మధిర, (జనస్వరం) : రాష్ట్ర ప్రభుత్వం భారీ సంఖ్యలో ఉద్యోగాలు భర్తీ చేయడానికి ప్రయత్నాలు చేయడం హర్షణీయం అని అదే సమయంలో న్యాయపరమైన ఆటంకాలు లేకుండా ప్రభుత్వం ఉద్యోగాల నోటిఫికేషన్ విడుదల చేసి నిర్దిష్ట కాలపరిమితిలో ఉద్యోగాల భర్తీ చేయాలని మధిర నియోజక వర్గ విద్యార్థి విభాగం నాయకులు వేముల. వినయ్ కుమార్ అన్నారు. గతంలో ఉద్యోగాల భర్తీ నోటిఫికేషన్ విడుదల చేసి న్యాయస్థానం జోక్యంతో సంవత్సరాల కాలం ఉద్యోగాలు భర్తీ కాలేదు అని అనేక మంది ఆత్మహత్యలు చేసుకున్న పరిస్థితి ఉందని రాష్ట్ర ప్రభుత్వం సకాలంలో ఉద్యోగ భర్తీ ప్రకీయ పూర్తి చేసి ముఖ్యమంత్రి కేసిఆర్ మాట నిలబెట్టుకోవాలని ఈ సందర్భంగా కోరారు.
