పామిడి ( జనస్వరం ) : తెలుగుదేశం పార్టీ చేస్తున్న బంద్ కు మద్దతు తెలపాలని జనసేన పార్టీ అధ్యక్షులు పవన్ కళ్యాణ్ గారు ఇచ్చిన పిలుపుకు మేరకు పామిడి మండలంలో జరుగుతున్నా బంద్ కార్యక్రమంలో మద్దతు తెలిపి శాంతియుతంగా బంద్ నిర్వహించడం జరిగింది. పోలీస్ వారు – జనసేన, టిడిపి నాయకులను అరెస్టు చేసి స్టేషన్ కు తరలించారు. ఈ సందర్భంగా జనసేన పార్టీ పామిడి మండల అధ్యక్షులు యం.ధనుంజయ మాట్లాడుతూ ప్రజాస్వామ్య స్ఫూర్తికి విరుద్ధంగా జరిగిన ఈ అరెస్టును జనసేన పార్టీ ఖండిస్తొందని.రాష్ట్రంలో వ్యవస్థలను నిర్వీర్యం చేసి ప్రజా వ్యతిరేక చర్యలకు పాలక పక్షం ఒడిగడుతోంది. ప్రజా పక్షం వహిస్తూ మాట్లాడే ప్రతిపక్షాలపై రాజకీయ కక్ష సాధింపుతో కేసులు, అరెస్టులతో వేధింపులకు పాల్పడుతోంది వైసీపీ ప్రభుత్వం. ఈ అప్రజాస్వామిక చర్యలను జనసేన ఎప్పుడూ నిరసిస్తుందని పేర్కొన్నారు.ఈ నిరసన కార్యక్రమంలో జనసేన పార్టీ పామిడి మండల అధ్యక్షులు ధనంజయ మండల నాయకులు శేక్షావలి, రామాంజనేయులు, సూర్యనారాయణ, శరత్ కుమార్, భాస్కర్ గౌడ్,మరియు జనసైనికులు పాల్గొన్నారు.
