పాతపట్నం, (జనస్వరం) : పాతపట్నం నియోజకవర్గంలోని అధికార పార్టీ నాయకుల అండదండలతో కబ్జాకు గురైన గవర్నమెంట్‌ హైస్కూల్‌ ఆటస్థలాన్ని కబ్జాదారుల చెర నుంచి విడిపించాలని జనసేన నియోజకవర్గ ఇంఛార్జ్ గేదెల చైతన్య డిమాండ్‌ చేశారు. ఆల్‌ ఆంధ్ర రోడ్డు జంక్షన్లో జనసేన నాయకులు మానవహారంగా ఏర్పడి నిరసన తెలిపారు. అనంతరం పాతపట్నం తహనీల్దారుకు గేదెల చైతన్య వినతిపత్రం అందజేశారు. ఈ సందర్భంగా ఆయన మాట్లాడుతూ పాతపట్నంలో కబ్జాకు గురైన భూములు విడిపించే వరకూ జనసేన పార్టీ పోరాటం చేస్తుందని సృష్టం చేశారు. ఈ కార్యక్రమంలో పాతపట్నం మండల నాయకులు నక్క క్రాంతికుమార్‌, సిరిపురం సందీప్‌, తలగాపు నవీన్‌, శిష్టు వినోద్‌కుమార్‌, భాస్కర్‌, సురేష్‌ మాధవరావు, దుక్క బాలరాజు, సవలావురం చంటి, సవర రామమూర్తి, పిట్ట హరికృష్ణ, నియోజకవర్గ జనసైనికులు మరియు తదితురులు పాల్గొన్నారు.
