అనంతపురం ( జనస్వరం ) : జనసేన పార్టీ జిల్లా అధ్యక్షులు టి సి వరుణ్ మరోసారి తన ఔదార్యాన్ని చాటుకున్నారు. సింగనమల నియోజకవర్గం నార్పల మండలంలో విలేకరిగా పనిచేస్తున్న ప్రహ్లాద ఇటీవల ప్రమాదవశాత్తు మృతి చెందాడు. విషయం తెలుసుకున్న టి.సి.వరుణ్ శనివారం స్థానిక కార్యాలయంలో విలేకరి ప్రహ్లాద కుటుంబ సభ్యులకు రూ 10 వేలు ఆర్థిక సహాయం అందించారు. భవిష్యత్తులో కూడా ప్రహ్లాద కుటుంబానికి జనసేన పార్టీ అండగా ఉంటుందని భరోసా ఇచ్చారు. జిల్లాలో ఎవరికి ఏం కష్టం వచ్చినా జనసేన పార్టీ అండగా ఉంటుందని అన్నారు. ఈ కార్యక్రమంలో జనసేన నాయకులు, తదితరులు పాల్గొన్నారు.