శ్రీకాకుళం జిల్లా, రాజాం స్థానిక పట్టణంలోని రోడ్డు , బస్ స్టాండ్ మరియు పలు సమస్యల పరిష్కారం కోసం స్థానిక జనసేన నాయకులు ఆధ్వర్యంలో రాజాం మున్సిపాలిటీ నగర కమిషనర్ ను కలిసి వినతిపత్రం అందజేయడం జరిగింది . జనసేన నాయకులు మాట్లాడుతూ రాజాం నుంచి డోలపేట వెళ్ళే రోడ్డు మార్గం చాలా అధ్వాన్నంగా ఉందని ఆవేదన వ్యక్తం చేశారు. గత ఎన్నో సంవత్సరాలుగా బస్టాండ్ రోడ్డు గుంతలమయంగా ఉందని, చాలా సార్లు అధికారులకు వినతి పత్రం అందించినా ఫలితం లేకుండా పోయిందని అన్నారు. వీలయినంత త్వరలో ఆ రోడ్డు మార్గానికి రోడ్డు వేయాలని కోరారు. అలాగే బొబ్బిలి సెంటర్ నుండి అమ్మవారి గుడి వరకూ రోడ్డు మరింత అధ్వాన్నంగా ఉందని, వర్షం వస్తే ఆ ప్రాంతం గూండా వెళ్లాలంటే నరకయాతన అనుభవించాల్సి వస్తోందని వ్యక్తం చేశారు. అలాగే సారధి గ్రామంలోని వైయస్సార్ పార్కును అభివృద్ధి చేయాలని కోరారు. ఈ కార్యక్రమంలో జనసేన నాయకులు, జనసైనికులు తదితరులు పాల్గొన్నారు.
