కర్నూలు జిల్లా గోనెగండ్ల మెగాఫ్యాన్స్ సేవా సమితి, జనసేన నాయకుల ఆధ్వర్యంలో మండల కేంద్రమైన గోనెగండ్లలో ఎమ్మిగనూరు మెగాఫ్యాన్స్ సేవా సమితి తాలూకా అధ్యక్షులు రాహుల్ సాగర్, గోనెగండ్ల మండల అధ్యక్షులు మాలిక్ నూతన క్యాలెండర్ ఆవిష్కరించారు. అనంతరం రాహుల్ సాగర్ మాట్లాడుతూ గత కొన్ని సంవత్సరాలుగా చేస్తున్న సేవా కార్యక్రమాలకు గోనెగండ్ల మెగా అభిమానుల ప్రోత్సాహం మరిన్ని సేవా కార్యక్రమాలు చేసే ఉత్సాహాన్ని కలిగించేలా చేస్తున్నారని అన్నారు. గొప్ప గొప్ప మహనీయులను ఆదర్శంగా తీసుకొని తమ అభిమాన హీరో చిరంజీవి చేస్తున్న రక్తదానం,నేత్రధానం వంటి కార్యక్రమలు ఎందరో జీవితాల్లో వెలుగులు నింపిందని తెలిపారు. చిరంజీవి చేస్తున్న సేవలను స్ఫూర్తిగా తీసుకొని వారి అభిమానులుగా మరిన్ని సేవా కార్యక్రమాలు చేద్దామని అభిమాన సేవా సమితి సభ్యలకు పిలుపునిచ్చారు.  ఇప్పటివరకు చేసిన కార్యక్రమల కంటే రెట్టింపు కార్యక్రమాలు చేసేలా ప్రతిఒక్కరు సహకరించాలని కోరారు. ఇదే క్రమంలో జనసేన పార్టీని కూడా ప్రజల్లోకి బలంగా తీసుకెళ్లాలని కోరారు.  ఈ కార్యక్రమంలో మెగాఫ్యాన్స్ సేవా సమితి సభ్యులుచాంద్ బాషా, రంగస్వామి, మునిస్వామి, వలి,ఆచారి పాల్గొన్నారు,