గిద్దలూరు, (జనస్వరం) : గిద్దలూరు నియోజకవర్గం, బేస్తవారిపేట మండలం, గలిజేరుగుళ్ల గ్రామానికి చెందిన జనసేన పార్టీ క్రియాశీలక సభ్యుడు చింతలపూటి చంద్రమోహన్ గత నెల 24వ తేదీన జరిగిన రోడ్డు ప్రమాదంలో తీవ్రంగా గాయపడి చికిత్స పొందుతూ ఒంగోలు ఆసుపత్రిలో తుదిశ్వాస విడిచారు. ఈ విషయం తెలుసుకున్న గిద్దలూరు ఇంఛార్జ్ బెల్లంకొండ సాయిబాబు, చంద్రమోహన్ కుటుంబ సభ్యులను పరామర్శించారు. తక్షణ ఆర్ధిక సాయంగా రూ. 25 వేలు అందచేశారు. జనసేన పార్టీ క్రియాశీలక సభ్యులకు వర్తించే బీమా రూ. 5 లక్షలు కూడా త్వరలోనే వచ్చే ఏర్పాటు చేస్తామని హామీ ఇచ్చారు. పార్టీ కార్యక్రమాల్లో చురుగ్గా పాల్గొనే చంద్రమోహన్ మృతి తీరని లోటని ఆ కుటుంబానికి ఎలాంటి అవసరం ఉన్నా జనసేన పార్టీ అండగా ఉంటుందని హామీ ఇచ్చారు. ఈ కార్యక్రమంలో పార్టీ నాయకులు లంకా నరసింహారావు, కాల్వ బాలరంగయ్య, తాడిశెట్టి ప్రసాద్, వాటర్ హుస్సేన్, కులార విష్ణు, ధుమ్మని చెన్నయ్య, మహేష్ జనసైనికులు పాల్గొన్నారు.
