ప్రమాదావశాత్తూ మరణించిన జనసైనికుడు కిరణ్ కుమార్ కుటుంబానికి ఆర్థిక సహాకారం అందించిన జనసేన నాయకులు బొడ్డేపల్లి రఘు

      విశాఖలో 49వ వార్డు బర్మా కాలనీ లో నివాసం ఉంటున్న  జన సేనపార్టీ జన సైనికుడు " కిరణ్ కుమార్ " ఈ నెల దీపావళి రోజున ప్రమాదవశాత్తు చెట్టు పడి మరణించడం జరిగింది.  అతని కుటుంబం దయనీయమైన స్థితులో ఉండటాన్ని జనసేన పార్టీ ఉత్తర నియోజకవర్గం నాయకులు, సురక్ష హాస్పిటల్ సి.ఎం.డి శ్రీ డా..బొడ్డేపల్లి రఘు గారి దృష్టికి తీసుకు వచ్చారు.  రఘు గారు ఆ కుటుంబాన్ని కలిసి 10,000 రూపాయలు చేయుతగా అందజేసారు. చనిపోయిన కిరణ్ కుమార్ గారికి 3 సంవత్సరాల బాబు, 13 నెలల పాప ఉన్నారు. ఈ పిల్లల ఇద్దరి పేరు మీద  ఫిక్సిడ్ డిపాజిట్ చేస్తానని అన్నారు.  అలాగే ఆ కుటుంబానికి ఆరోగ్య రీత్యా , విద్య రీత్యా, అన్నివిధాల ఆదుకుంటానని హామీ ఇచ్చారు. ఆ కుటుంబానికి మానవతా దృక్పథంతో అన్ని విధాలుగా ఆదుకుంటామని వాళ్లకి మనోధైర్యం కల్పించడం జరిగింది. ఈ కార్యక్రమంలో జనసేన నాయకులు, జనసైనికులు. తదితరులు పాల్గొన్నారు.