సీతంపేట ( జనస్వరం ) : అధినేత పవన్ కళ్యాణ్ చేపట్టిన కౌలు రైతు భరోసా యాత్ర కార్యక్రమంలో భాగంగా టీమ్ పిడికిలి రూపొందించిన గోడ పత్రికలు, స్టిక్కర్లు సీతంపేట మండలం కురసంగి గ్రామంలో జనసేన నాయకులు మండoగి విశ్వనాథం ఆవిష్కరించారు. ఈ సందర్భంగా ఆయన మాట్లాడుతూ ప్రభుత్వ కౌలు రైతు కష్టాలను పట్టించుకోలేదన్నారు. రాష్ట్ర వ్యాప్తంగా 3వేల మంది కౌలు రైతులు ఆత్మ హత్యలు చేసుకున్నారు. వారికి ఆదుకునే నేపథ్యంలో పార్టీ అధినేత పవన్ కళ్యాణ్ మృతుడి కుటుంబాలకు పరామర్శించి లక్ష రూపాయలు అందజేస్తున్నారు. పాలకొండ నియోజకవర్గం కౌలు రైతులు పరిస్థితి ఆగమ్యగోచరంగా తయారయిందని ప్రభుత్వం ఆదుకోవాలని డిమాండ్ చేశారు. ఈ కార్యక్రమంలో ఎన్.ప్రసాదరావు, ఎన్ తిరుపతిరావు, రవి తదితరులు పాల్గొన్నారు.