కేతనకొండ, (జనస్వరం) : ఇబ్రహీంపట్నం కేతనకొండ గ్రామంలో మైలవరం నియోజకవర్గ జనసేన పార్టీ ఇంచార్జ్, జనసేన పార్టీ రాష్ట్ర అధికార ప్రతినిధి అక్కల రామ్మోహన్ గాంధీ జనసేన ఇంటింటికి జనసేన కార్యక్రమం మొదలుపెట్టారు. ప్రతి ఇంటికి వెళ్లి ప్రజా సమస్యలు తెలుసుకున్నారు. ప్రతి వీధిలో అక్కల గాంధీకి అశేష ప్రజానీకంతో ఘనస్వాగతం లభించింది. జనసేన అధికారంలోకి వస్తే పేదవారికి జనసేన అందించబోయే పథకాల గురించి వివరించారు. అనంతరం జనసేన పార్టీ క్రియాశీలక సభ్యత్వ పంపిణీ కార్యక్రమంలో పాల్గొన్నారు. ఈ కార్యక్రమంలో జనసేన పార్టీ ఇబ్రహీంపట్నం మండల అధ్యక్షుడు పోలిశెట్టి తేజ, జనసేన పార్టీ నాయకులు నాగబాబు, హనుమంతరావు, వెంకటస్వామి, అశోక్ తదితరులు పాల్గొన్నారు.